E Baudäil (au Komponänte) isch en Äinzeldäil vom ene technische Komplex (zum Bischbil ere Maschine, eme Apparat usw.). Mä brucht das Wort in dr Technik für Däil, won e Biidraag zur Funkzion vom Gsamtkomplex mache und nit nume aagmacht si as Dekorazioon oder öbbis Äänligem – solang das nid Däil vo dr Funkzioon isch.
Im Allgemäine ghöört zu äinere Funkzioon au genau äi Baudäil. E Ziil in dr Konstrukzioon, wo doodrüber uusegoot, isch s, Funkzione z integriere, dass also jedes Baudäil meereri Funkzioone usfüert. Vom e sonige Baudäil säit mä, es sig multifunkzional.
D Lääbesduur vom ene Baudäil wird vilmol bestimmt drvoo, wie stark er mechanisch beaasprucht wird. Wenn die mechanischi Belastig über d Belastigsgränze uusegoot und s Baudeil füllt si Funkzioon nüme us, denn reedet mä vom ene Versaage.
E Grubbe vo Baudäil, wo zämme e Funkzioon erfülle (sozusage e Baudäil us Baudäil), bezäichnet mä au as Baugrubbe.
![]() |
Dä Artikel basiert uff ere fräie Übersetzig vum Artikel „Bauteil_(Technik)“ vu de dütsche Wikipedia. E Liste vu de Autore un Versione isch do z finde. |